Despues di negociacion a logra pa KLM realisa un vuelo di repatriacion cu ta tuma luga e siman aki.
Segun informacion ricibi, a logra pa ehecuta e vuelo e siman aki mes. E lo tuma luga riba diaranson, 13 di mei. E vuelo ta sali pa 12:15 for di Hulanda y ta yega Aruba pa 4’or di atardi. Ta recorda cu solamente personanan residente di Aruba, esta cu a bay Hulanda cu vakantie, por bolbe riba e vuelo aki. Pues e pasashi cu tin di regreso ta keda valido, solamente dependiendo di e clase di asiento, ta mira si mester paga un diferencia.
E avion ta bolbe Hulanda dia 14 di mei pa 4’or di atardi y ta yega Hulanda riba 15 di mei pa 7.15 di mainta.
Esnan cu por bay Hulanda ta solamente personanan inscribi na Hulanda, pues cu ta biba ayanan. Ta permiti solamente 100 pasahero den e avion pa acomoda nan segun e protocol cu autoridadnan tin imponi.
E ariba menciona ta nifica cu e personahe Betty Foxx cu a causa hopi consternacion na Aruba tambe lo por bandona Aruba, ya cu e ta biba na Hulanda.
Esnan interesa pa haya informacion, por tuma contacto cu oficina di KLM.
