E mucha amante di Ashrock tabata deteni pa corta cara di mama di su yiunan

E caso di e conocido cantante Ashrock Gario tin un rabo mas largo cu hopi a pensa. El a cuminsa cu detencion di e victima di abuso sexual, e mucha muhe menor di edad, cu entretanto a recobra su libertad despues di a pasa den detencion preventivo di 10 dia. Awor cu el a sali liber a bira detene e cantante, cu ta teniendo relacion cu dos hende pareu, cu e diferencia cu un di nan a menor di edad. Mayornan di e mucha, cu a haya sa awor di e relacion aki, a dicidi di keha e cantante na Polis!

Tur cos a cuminsa ora cu e pareha di Ashrock Gario pa e ultimo 10 añanan, mama di su dos yiunan, a gara e cantante cu e mucha muher menor di edad (16 aña awo) den nan cas situa na Colony. Ey a start un discusion cu a pasa pa agresion. E mucha muhe menor a uza un material di glas den e confrontacion y consecuentemente a corta e otro malamente na cara.

Pareha di e ultimo 10 añanan di Ashrock, esta e mama di su yiunan, Shudeska Lynch, despues di a haya un corta na su cara.

E corta tabata hopi serio y mester a haya atencion medico. Ta mustra cu e mucha muhe lo keda pa semper, sino pa basta tempo cu e cicatriz na cara. Parce cu e corta tin consecuencia pa su wowo tambe awor.

E victima di abuso, mesora a pasa di victima pa sospechoso, pero awor di un acto hopi mas serio, pa cual a detene mesora. E ta bayendo scol na EPB Hato y a perde mas di un siman di scol pa motibo di tabata cera.

E victima/sospechoso Julia Tromp, awor ta bek den libertad condicional, dor cu e mester bay scol. Riba su cabes ta colgando un caso penal pa maltrato pisa cu un arma.

Ta precisamente durante e investigacion penal aki, cu recherchenan a tuma nota cu por lo menos un di e partidonan ta menor di edad. Mas ainda, cu e menor di edad ta e sospechoso, pa motibo di jaloezie y di tin un relacion cu un homber mayor di edad. E ora a dicidi di activa Jeugd en Zeden Politie (JZP), cu entretanto a haya ordo di Fiscal di Ministerio Publico pa cera e homber tambe.

Locual hopi hende ta compronde kisas ta: Ley no ta haci excepcion den caso di relacion sexual cu mucha. E ley no ta menciona cu si e mucha mes busca of no, of si e mucha mes gusta of no. Ley ta bisa cu drumi cu un mucha bou 16 aña ta castigabel pa ley y punto! Den e caso aki e mayornan, cu a haya sa di e relacion ora a cera nan yiu, a bay Polis mesora pa keha Ashrock Gario.

Ashrock Gario ta enfrenta un investigacion penal awor den su contra, dor di Jeugd en Zeden Politie, relaciona cu tene relacion sexual cu un mucha menor di edad. Den pasaso un figura publico a yega di haya 2 aña di prizon pa mesun “tipo” di caso.

Pa e mucha muhe envolvi, cu awor ta un sospechoso di un caso criminal, tin un castigo pisa colga riba su cabes. Di un banda e ta victima di abuso sexual, pasobra ley ta traha precisamente pa protega e mucha y no e mayor di edad. Den e ley ta sali for di e punto di bista cu e mayor mester sa miho y evita cualkier tipo di relacion cu un menor di edad. Pero di otro banda, e hecho cu el a corta un otro hende muhe den su cara cu un arma, ta haci’e sospechoso di husticia, cu chens di bay cera den prizon of den un instituto cera pa hobennan cu problema di conducta. Esey sin duda lo perhudica su estudio, si acaso Hues hay’e culpabel.

Cu tanto caso den prensa di abuso sexual y drumimento cu mucha, ta imagina cu e adultonan ta compronde problema cu nan por haya nan mes aden, si acaso nan laga tentacion domina nan. Mas fama un hende tin, mas conoci e ta, mas nan mester yena e rol di ta un ehempel pa comunidad. Actitudnan asina, manera ta sosodiendo ultimo tempo, ta duna un impresion cu nos compas moral ta completamente robes riba e isla aki y no tin otro forma pa corigi’e cu represion, esta cu castigo di prizon.

Comments

comments