Awe nochi pa mas o menos 10:00pm Polis a topa cu un persona cu sanger na cabes ta sali for di Club 809 den Wilhelminastraat. El a bisa Polisnan cu e ta na careda pa cas despues cu dos homber a hach’e. E homber, supuestamente victima di un pelea, a aparece pa di dos biaha dilanti e bar. E homber tabata herida y tabatin basta sla na cabes.
El a conta Polis cu e agresornan tabata paden di e bar. A controla pero no a topa cu nan. Su storia tabata estilo “Kompa Nanzi” pa cual motibo Polis no a ker’e. Ora a bay controla su auto, a bin topa cu un machete y otro articulonan skerpi.
Mesora a deten’e y hib’e warda di polis caminda pa un fiscal auxiliar por dicidi riba su encarcelacion.
