Tabata alrededor di 8:15pm ora cu a bati alarma pa cuater hoben riba kayak ta haci movecionnan straño cerca di e botonan na altura di Renaissance. Na yegada di polis berdad a mira un kayak, pero algun rato despues a perde nan for di bista. Ta na e pier net paseit di Lucy’s. No a dura mucho cu polis a sak y wak bou di e pier y topa e hobennan scondi eybou.
Parce cu nan tabata bula den varios boto y horta articulonan djey sigui riba nan kayak. Ora cu a topa cu nan bou, a pone tur subi rib’e pier. E grupo di hoben a conta cu nan a bay pisca, no a topa cu ningun articulo horta den nan poder. Aunke cu nan movecion tabata hopi sospechoso, ta dos pisca chikito y un saco di cornflakes a haya riba nan.
Sinembargo polis no a confia e cuenta mucho, a detene y transporta e hobennan pa ward’i polis. E caso ta poco delicado mirando cu ta trata di menornan di edad, un di nan tin diestres aña.
