Diasabra ultimo a tuma luga e di seis edicion di Pasa Pret cu Rotaract den Club Caiquetio, un feria completamente gratis specialmente pa muchanan pasa dushi, den cuadro di Dia Internacional di Derechonan di Mucha.

Ta hopi importante pa Rotaract organisa tipo di actividad asina, pasobra nan ta traha hopi duro pa sostene e comunidad di Aruba. Un di e derechonan cardinal pa e muchanan ta pa nan por gosa y hunga. Ta p’esey a organisa un feria completamente gratis, unda cu nan por duna bek na comunidad di Aruba, specialmente pa nos muchanan, pa nan por celebra nan derecho.

Di seis edicion di Pasa Pret cu Rotaract ta duna bek na nos muchanan

Di seis edicion di Pasa Pret cu Rotaract ta duna bek na nos muchananhttps://24ora.tv/2NS0poi

Posted by 24ora on Sunday, November 17, 2019

E actividad tabata sumamente exitoso. El a cuminsa for di 12’or di merdia te cu 4’or di atardi y durante e oranan aki por a mira hopi famia. Tambe tabata tin participacion di Pierewietje, Youth and Action. Tambe tabata tin hopi mayor cu a like riba Facebook, unda cu nan a pone cu nan lo atende e actividad y nan a haci acto di presencia.

Rotaract ta hopi contento cu tur mayor a bin cu nan yiunan pa asina celebra e dia.

Kico mas lo tin

E resto di aña ta pidi pueblo di Aruba pa keda pendiente, pasobra tin hopi actividad na caminda. Nan tin nan proyectonan anual, graduation project, unda ta yuda muchanan den examenklas, pa slaag e aña exitosamente. Tambe nan tin nan seminario exitoso, pa hendenan hoben, pa nan por engrandece nan conocemento.

Tambe nan tin proyectonan di comunidad “Un p’ami, un p’e”, unda ta pidi pueblo pa colecta producto pa por regala instancianan. Awo, den fin di aña, ta haciendo un proyecto tambe cu varios instancia, entre otro Imelda Hof, SABA, Centro Kibrahacha. Ta pa e motibo aki ta invita tur hende pa like pagina di Rotaract Club of Aruba, pa asina nan tambe por wak con pa sostene e proyectonan.

Comments

comments