E caso aki a pone Polis riba abou diasabra net prome cu merdia. E informacion tabata cu dos mucha hopi chikito of baby a drief cu float bay afo. Danki Dios esnan di Renaissance Island a actua y asina rescata e baby cu a bay basta afo den hundo. E tres personanan aki ta capitan di boto. Marcelo Heyden manera por mira a bula na awa. Colegan a keda atento den boto. Den e boto tabata tin turistanan cu a mira henter e accion den lama. Pueblo ta contento cu e reaccion di e tres capitannan. Egbert Brete, Richard Flanegin y Marcelo Heyden ta esnan cu ta envolvi den salba e mucha. El a yega bon bek den man di su mayornan. E otro chikito e tata mes a logra yega na dje prome cu el a sigui bay afo. Un final feliz. Paramediconan a controla e muchanan y nan tabata ok. E mama cu a bay dem un panico tambe a ser atendi. Ningun hende mester a bay hospital.
