Di cinco edicion di Aruba Symphony Festival lo ta den luna di Juli

Dia 17 te cu dia 27 di Juli, ta bay tuma luga e di cinco edicion di Aruba Symphony Festival. Segun miembro di e organisacion Johnny Croes, e conciertonan ta bay tuma luga mayoria di nan na Cas di Cultura, pero tambe tin na Casibari, tin na Paseo Herencia. Ta bay tin tambe na Hyatt. E festival ta parti den dos parti. Tin parti mainta, cual ta e parti academico, unda cu tin mas cu 60 alumno cu ta bin for di diferente pais.

E aña aki tin tambe di e faculty, cu ta consisti di mas di 20 profesor cu ta bay bin pa duna nan Masterclasses. Anochi mayoria di e conciertonan ta por nada den diferente formato, sea solo, trio, cuarteto y tambe ta bay tin dos presentacion cu e orquesta.
Un festival asina aki ta importante, obviamente pa e desaroyo cultural y educativo. Musica clasico semper a forma parti di e educacion di musica y tambe kier promove musica en bibo tambe.

Tambe un di e metanan di Aruba Symphony Festival ta pa crea un orkesta hubenil. Pesey ta invita no solamente e pueblo di Aruba, y specialmente e hobennan, pa nan bin presencia e conciertonan aki y asina cera conoci cu musica clasico y tambe engrandece aprecio pa e genero di musica aki.

Un di e invitadonan special ta e docente mundialmente conoci Benjamin Sanders, kende lo bay duna un tayera tocante di musica clasico. Esaki ta un parti di e festival cu Croes ta invita, specialmente atrobe hobennan pa bin presencia e anochi aki cu Sanders. E ta fundado di Youth Philarmonic Orchestra di Boston. Semper por subi riba e facebook page Aruba Symphony Festival, like a pagina y eynan por haya tur informacion, e programa. Eyriba tambe por haya e website. Y si tin interesante cu tin interesado pa haya les, por bay riba website, ta registra e ora y tin chens pa haya les y hasta scholarship.