Departamento di Salud Publico di Aruba (DVG) a informa cu a constata un otro caso positivo di Covid-19 na Aruba. Ta trata aki di un persona cu ta residente y cu a test positivo na su yegada na Aeropuerto riba vuelo di Viva Air for di Peru y Ecuador.
E avion a yega ayera nochi cu mas o menos 50 pasahero cu a yega Aruba mientras cu otronan a sigui riba e vuelo pa Corsou. Esunnan cu a biaha tabata residentenan cu a keda pega sea na Peru of na Ecuador durante henter e pandemia.
Di acuerdo cu e procedura normal, e persona cu a test positivo a bay den isolacion y dos otro persona awor a bay den cuarentena.
