Di 3 biaha: Via camara a gara ladron hortando fan den Misa di Savaneta

Awe marduga, despues di 12:00am, un persona a drenta den Misa na Savaneta. Via e sistema di camara a mira con e ladron a bay cu 3 fan di pia, cual 2 tabata dilanti e bankinan y un tabata tras di e altar.

Esaki ta di 3 biaha cu e ta horta den e Misa di Savaneta, asina Pastoor Andres, a bisa. Tur 3 biaha a bay cu e fan asina y cos no por sigui asina. No por sigui gasta di esnan cu ta yega y duna placa di ofrenda pa cumpra solamente fan. Den pasado tambe nan a yega di bay cu beeld y nan ta di koper.

Di 3 biaha: Via camara a gara ladron hortando fan den Misa di Savaneta

Di 3 biaha: Via camara a gara ladron hortando fan den Misa di Savaneta. Click link pa mas https://24ora.news/3haozpT

Posted by 24ora on Friday, July 17, 2020

Den un espacio di algun luna, 3 biaha consecutivo nan ta bayendo cu fan. Pastorie tin mas o menos ken ta e sospechosonan di a haci esey. Pastoor Andres ta pidi pa tur ta mas atento den e vecindario cu tin hende ta hortando. Tambe e ta pidi esun cu a horta e fannan pa trece bek y misa tin falta di nan.

Pa basta tempo a instala camara na Misa di Pos Chikito y na Misa di Brazil tin camara poni tanto paden como pafo. Door cu casonan ta sigui ripiti, nan mester haci algun cos mas efectivo pa interumpi ladronicia den e misa.