Durante marcha di tiner, polis a hasi diferente detenshon den kuadro di e akshon “Aktua robes, sintié un bes”. Tabatin e kantidat di detenshonnan aki pa e siguiente infrakshonnan:
➢ Maltrato (1) ➢ Kore vehíkulo sin reibeweis (3) ➢ Bou di influensia di alkohòl (4) ➢ Lei di opio (2) Tambe durante di kontrol riba ruta di karnaval, polis a hasi detenshon di tres sospechoso, di kua kada un tabatin un arma di kandela den nan poder. E detenshonnan aki tur a tuma lugá na sitionan i orarionan diferente riba ruta di Karnaval. Ta trata di e sospechosonan S.G.R. di 22 aña, I.W. di 19 aña i W.F. di 57 aña di edat. Tur 3 ta nase na Kòrsou. A konfiská e armanan i a presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.
