Relashoná ku un kaso di maltrato kontra di su pareha ku a tuma lugá dia 7 di novèmber último na un kas den área di Lelienberg, unidat di Barber a detené un hòmber sospechoso. Djabièrnè 8 di novèmber 2019, alrededor di 19.10 or, Polis a detené e hòmber sospechoso R.V.F., di 35 aña di edat nasé na Kòrsou, komo sospechoso den e kaso ariba menshoná.
Kontinuando ku e investigashon e dama a konta polis ku e hòmber sospechoso a maltrat’é i ku e no tabata desea e hòmber mas den kas. E detenshon a tuma lugá na e adres ariba menshoná. A presentá e sospechoso dilanti un Fiskal Ouksiliar ku a ordená su enkarselamentu pendiente di mas investigashon. Investigashon den e kaso aki ta kontinuá.
