Detenshon relashoná ku ladronisia

Djasabra 24 di ougùstùs 2019, alrededor di 04.37’or, di mardugá Sentral di Polis a risibí informashon di un kaso di ladronisia ku ta tumando lugá den e bario di Julian. Na yegada di polis nan a topa ku un hòmber ku a konta polis ku el a gara un hòmber sospechoso na momentu ku e tabata hortando piesa for di su outo.

Na e sitio a detené e hòmber, D.D.G.S., nasé na Kòrsou di 19 aña di edat, komo sospechoso den e kaso di ladronisia ariba menshoná. A presentá e sospechoso dilanti di un Fiskal Ouksiliar ku a ordená su enkarselamentu pendiente di mas investigashon.