Detenshon relashoná ku atrako

1

Djabièrnè 26 di yüli 2019, alrededor di 12’15or di mèrdia, polis a detené e hòmber sospechoso J.A.A. nasé na Kòrsou di 25 aña di edat, relashoná ku un kaso di atrako ku a tuma lugá dia 20 di yüli 2019, den área di Seri Domi.

Detenshon di e sospechoso aki, pa kende ya kaba tabatin un òrdu di búskeda i aresto, a tuma lugá den Kaya Ma Pieternella. A presentá e sospechoso dilanti di un Fiskal Ouksiliar ku a ordená su enkarselamentu pendiente di mas investigashon.