Djadumingu 3 di novèmber 2019, alrededor di 06.06’or Sentral di Polis a risibí notifikashon di un kaso di maltrato i destrukshon ku a tuma lugá na un kas den Moontjeweg. E unidat polisial ku a yega na e sitio a hasi un investigason i a sali na kla ku un pareha tabata den diskushon ku otro i esaki a terminá den maltrato di e dama. Tambe e hòmber pareha di e dama a kousa destrukshon na e dama su vehíkulo. Na e sitio polis a detené e hòmber sospechoso, O.F.J.B, nasé na Kòrsou di 27 aña di edat, relashoná ku e kaso di maltrato i destrukshon ariba menshoná. A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.
