Relashoná ku un kaso di estafa, menasa i destrukshon, reshèrshinan di VVC Montaña a hasi detenshon di un hòmber. Djaweps 6 di febrüari 2020, alrededor di 14.20 or, riba òrdu di Ministerio Públiko, polis a detené e hòmber sospechoso R.J.J.M., nasé na Kòrsou di 28 aña di edat.
Detenshon a tuma lugá na su kas na Herst. A presentá e sospechoso dilanti di un Fiskal Ouksiliar, ku a ordená su enkarselamentu pendiente di mas investigashon.
