Djamars promé di yanüari 2019 alrededor di 04.17’or di mardugá, Sentral di Polis a risibí informashon di lòsmentu di bala ku tin na altura di un sentro di dibertishon riba Schottegatweg Oost.
Inmediatamente a dirigí algun unidat na e sitio i parti pafó di e klup, a bin enkontrá un kantidat di kashi di bala, ku mesora a keda konfiská.
Kontinuando ku e investigashon, den serkania di e establesimentu, polis a bin topa djis un ratu despues, e hòmber R.V. nase na Hulanda di 32 aña di edat, den poseshon di un arma di kandela.
A konfiská e arma i a detené e sospechoso pa violashon di lei di arma di kandela i a present’é dilanti di un fiskal ouksiliar ku a ordená su enkarselamentu pendiente di mas investigashon.
