Djasabra 27 di yüli 2019, alrededor di 01.01or, di mardugá, Sentral di polis a dirigí un unidat polisial na un trùk di pan riba Winston Churchilweg, pa un kaso di menasa.
Na yegada di e unidat, e dama víktima a deklará na polis ku su partner mester a yega na e sitio i a menas’é ku un kuchú. Mesora e unidat a detené e sospechoso ku tabata na e sitio, e hòmber O.S.D., nasé na Kòrsou di 57 aña di edat, pa e kaso ariba menshoná. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.
