Detenshon en konekshon ku maltrato

Djasabra 10 di ougùstùs 2019, alrededor di 04.30 or di mardugá, Sentral di polis a dirigí un unidat polisial na un diskotèk den área di Saliña, kaminda un hòmber tabata maltratando un amigu di su èks partner. Na yegada di e unidat, no a topa ku e sospechoso.

Despues di un ratu na warda di polis Rio Canario e dama i su partner víktima a deklará na polis ku un ratu promé tabatin un diskushon entre e dama i su èks partner i ku esaki lo a dal su partner un moketa na su wowo drechi. E hòmber aki J.D.C.L., nase na Repùblika Dominikana di 38 aña di edat, a keda detené na warda di Polis Rio Canario pa e maltrato ariba menshoná. 

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

Comments

comments