Djasabra 29 di desèmber alrededor di 10’or i 10.20’or, personal di e Departamento ku ta atendé kasonan kontra moral, a detené dos menor di edat na e departamento en kuestion.
E dos detenshonnan aki ta relashoná ku e kaso di inmoralidat ku resientemente a tuma lugá kontra di un menor di edat i di kua e akto aki a keda publiká riba retnan sosial.
E hóben S.E.R. di 12 aña di edat a keda detené relashoná ku difamashon i ofensa/insulto, miéntras D.D.G. di 14 aña di edat a keda detené pa kometé aktonan inmoral.
Ámbos sospechoso ta nase na Kòrsou i ta di sekso maskulino.
Investigashon den e kaso aki ta kontinuá.
