Detenshon en konekshon ku atrako

Djabièrnè 6 di sèptèmber 2019 alrededor di 17.56’or, Sentral di Polis a risibí notifikashon ku na un establesimentu riba F.D. Rooseveltweg deskonosinan a bini ku un telefòn selular, probablemente prosedente di un atrako, pa desaktiva esaki.

Mesora a dirigí unidat polisial na e sitio pa hasi un investigashon. A resultá ku e telefòn tabata prosedente di un atrako ku a tuma lugá dia 3 di sèptèmber 2019 na un bar den Bahamasweg. Riba e dia en kestion kuater hòmber armá a drenta den e bar i bou di menasa a bai ku pertenensianan di doño i kliente nan ku tabata den e bar.

Alrededor di 19.00’or polis a detené na e establesimentu riba F.D. Rooseveltweg e hòmber J.Q.D. nasé na Sürnam di 17 aña di edat, komo sospechoso den e kaso di atrako ariba menshoná. A presentá e sospechoso dilanti di un Fiskal Ouksiliar ku a ordená su enkarselamentu, pendiente di mas investigashon.

Comments

comments