Detenshon di un sospechoso pa menasa i intento di insendio

Djabièrnè 4 di ougùstùs 2017 alrededor di 16.15 or, Sentral di Polis a dirigí un unidat polisial na un kas den Coronet pa un kaso di menasa i intento di insendio.
Na e sitio polis a detené e dama S.P.d.C.M nasé na Colombia di 51 aña di edat, ku tabata bou di influensia di alkohòl, pa menasa i intento di insendio.
Na e sitio un bisiña a deklará na polis ku S.P.d.C.M a menas’é ku morto.
Tambe e denunsiante a deklará mas aleu ku e sospechoso a trata na sende su kas na kandela, dor di basha un líkido for di den un jerrycan dilanti di e kas i trata na sende esaki ku lusafè.
A presentá e sospechoso S.P.d.C.M dilanti di un Fiskal Ouksiliar.

Comments

comments