Djaweps 9 novèmber 2017, alrededor di 20.45 or, Sentral di Polis a haña notifikashon ku un hòmber a bula den kurá di un kas den e bario di Julianadorp ku menos bon intenshon.
Mesora Sentral di Polis a dirigí e unidat polisial di Otrobanda pa e sitio. Dos unidat di e tim di Mantenshon di Òrdu Públiko tambe a dirigí nan mes na e sitio. Na yegada di e promé unidat na e adrès menshoná, e agentenan na promé instante no a nota nada partikular.
Despues di un investigashon mas profundo e unidat nan a logra di detene un sospechoso maskulino den e kas ariba menshoná. Ta trata di e hòmber E.O.S. nasé na Kòrsou di 36 aña
di edat.
A presentá e sospechoso dilanti un Fiskal Ouksiliar.
