Djabièrnè 19 yanüari 2018, alrededor di 01.49 or, Sentral di Polis a haña notifikashon di un kaso di maltrato i destrukshon den área di Zapateer.
Mesora sentral di polis a dirigí un patruya na e sitio. For di un investigashon preliminar ku polis a hasi na e sitio a resultá ku ta trata di un relashon entre un pareha ku a terminá.
E dama ku no kier a asepta esaki a bai na kas di e hòmber. E hòmber a kometé destrukshon di telefòn di e dama i a maltrat’é. E dama na su turno a destruí e winshil di outo di e hòmber.
Na e sitio polis a detené ámbos sospechoso, e hòmber R.C.V.M. nasé na Kòrsou di 32 aña di edat i e dama D.J.F. nasé na Kòrsou di 33 aña di edat.
A presentá e sospechosonan dilanti un Fiskal Ouksiliar ku a ordená nan enkarselamentu pendiente di mas investigashon.
