Deteni pa menasa: A topa uniform di polis na cas di sospechosonan

Kico ta nan plan no ta conoci ainda, pero polisnan tin atencion special pa un grupo di sospechosonan cu tabatin uniform di polis ilegal na nan cas. Ta un forma di despista autoridad den un acto criminal. Por mira cu criminalnan riba nos isla ta bayendo pa e siguiente nivel di curashi.

Awe mainta trempan recherchenan di San Nicolas hunto cu diferente team di Cuerpo Policial a haci entrada hudicial na diferente cas, entre otro Caya Butishi, Mabon y Boroncana. Na e adresnan e team di recherche a detene 5 sospechoso pa menasa.

Na e dicho casnan a confisca entre otro droga y uniformnan di polis.

Pa Cuerpo Policial por resolve mas caso cooperacion y informacion di pueblo di Aruba ta hopi importante pesey ta pidi si bo tin cualkier informacion yama e tiplijn: 11141. Ta garantisa cu bo ta keda anonimo.