Diadomingo anochi alrededor di 10:50 pm polis a presenta na Westpunt 23 p’un caso di ladroncia. Habitante di e cas a bin topa un hoben ta horta den su auto staciona den cura. No a basila y nan mes tene, mand’e suela y bati alarma mesora na polis.
Na yegada di polis a bay over mesora n’e parti di detencion. A resulta cu ta trata di nan propio bisiña, cu ta biba net paseit di nan cas.
Den un transporte policial a transporta e hoben pa ward’i polis caminda e tin di bay duna cuenta di su acto dilanti un subfiscal. E habitante a conta cu ta recien cu nan a perde un speaker marca JBL for di nan cura, no ta descarta cu ta e mesun tipo aki a pasa man p’e.
