Toque de Queda ta keda y e detencionnan ta sigui cay. Un hecho incomprendibel cu ainda tin hende riba caya sabiendo cu e medidanan aki tin mas cu un luna caba na vigor.
Tin ciudadanonan manera adictonan ambulante cu no tin otro opcion cu ta riba caya y ta yega momento cu Polis no por haci nada mas di laga nan bay, manera a sosode diahuebs marduga.
Awo cu a move e ora di inicio di Toque de Queda un tiki mas laat, cuminsando pa 10’or di anochi, asina mes tin hendenan riba caya. Diaranson pa diahuebs a detene 9 persona. Tur a bay warda di Polis unda a presenta nan dilanti fiscal auxiliar, a laga nan cera te mainta.
E orario di Toque De Queda awo ta di 10’or di anochi pa 5’or di mainta.
