Di siman pasa ora cu a haci denuncia, Cuerpo Policial a institui di inmediato un team investigativo pa atende cu e investigacion mirando e gravedad y seriedad di e menasa. Awe mainta cu Arrestatieteam a drenta cas di e mucha di apenas 11 aña di edad y cu ta biba cu su mama, y a detene pa responsabilisa pa su acto. A bay cu tur computer y laptop den e cas.
A trata e caso aki cu prioridad y seriedad di parti di Cuerpo Policial mirando cu a considera como uno cu a toca interes general y siguridad di nos comunidad. Conhuntamente cu Ministerio Publico a yega na palabracionnan cu a pone cu awe mainta a yega na detencion di e persona masculino cu a haci e menasa aki. Cuerpo di Polis ta desea di manda un palabra di agradecimento ta bay na e scolnan cu a duna nan maximo cooperacion den e caso aki. Esaki sigur a contribui na e investigacion.
