Polisnan ta tirando extra bista den Caya Betico Croes mirando e cantidad di kiebronan cu ta tumando luga ultimamente. Durante patruya, net prome cu mey anochi, a topa cu un figura jong y sospechoso banda di Penha. Mesora Polis a bay papia cune pero el a bira hopi fresco. El a menasa Polis cu morto.
Durante e proceso di detencion, ora a bay listr’e, a haya cierto cantidad di droga den su poder. Comosifuera poco, tambe Polis a hay’e cu un arma blanco.
Mirando tur esakinan, tabata suficiente motibo pa detene. Na Warda di Polis e hoben lo mester splica e Sub Fiscal di su intencion cu e droga, arma y tambe e menasa cu morto contra e Polisnan den ehecucion di nan funcion.
