Patruya di Noord a duna ordo na un chauffeur pa para na haltura di rotonde Sasaki, net saliendo di e area di hospital. Despues di un rato a detene e persona aki na sitio.
Al rededor di 4:45 pm polis a tuma nota di un chauffeur coriendo basta malo, na stuur di un Ford Ecosport color scur numera A- 76918, y a dun’e ordo pa para. Durante control e persona a duna di conoce cu net el a sali di un fiesta y a dal dos of tres drinks di mas.
Locual a resalta ta cu e dama aki ta na uniform di trabou (verpleegster) y a sali for di e area di hospital. A deten’e y transport’e pa warda mientras e auto a keda gelock na sitio.
