Detencion na Gasparito: Dama agredi y agresor a resulta di ta ladron tambe

2277

Diahuebs anochi a sosode un casi di maltrato cu despues a haya un buelta peculiar cu a hiba na detencion di un persona, pa no solamente agresion pero tambe ladronicia.

Polis a presenta cu urgencia na e area di Buccaneer den careda di 7:00PM caminda cu informacion inicial tabata indica cu tin un dama maltrata cu ta pidiendo asistencia. Na yegada a topa cu un dama cu tabata mustra di ta bou di influencia di alcohol. E tabata acompaña pa un homber cu, segun testigonan, tabata hole stinki di alcohol. Na sitio a tuma nota cu e dama tabata mustra di tabata agredi. Ta algun persona den vecindario lo a scucha gritonan di auxilio lo a yama polis pa presenta y yuda e dama aki y evita lo peor.

Detencion na Gasparito: Dama agredi y agresor a resulta di ta ladron tambe

Detencion na Gasparito: Dama agredi y agresor a resulta di ta ladron tambe. Click e link pa mas https://24ora.news/2JfpDx8

Posted by 24ora on Friday, November 27, 2020

Na sitio a detene e agresor y transporte warda. Mirando cu e persona aki ta un recidivista den e bario mesora a bin mas informacion den su contra. E homber no tin mucho tempo den e area. E victima ta conta di tin un relacion di un aña mas o menos cu e persona aki, pero ta algun siman e tin cu a bin biba cu e victima. E ta causando un molester grandi den e bario.
Segun persona di e bario ta conta, e homber aki lo ta hortando na diferente cas den e area di Gasparito. Algun ta conta cu nan tin 20 aña ta biba eynan y nunca a bira victima di ladronicia desde cu a mira e homber aki den bario, problema a cuminsa. Algun te asta ta acumulando material di video pa asina tin evidencia pa haci denuncia den su contra.

Locual cu a bin dilanti ta, cu tin material cu ta pertenece di acto di ladronicia scondi den e apprtament caminda e agresor aki ta biba. Polis a conseha e victima pa pone un denuncia.

E victima no ta sigur cu e ta bay pone denuncia, ta parce e ta un persona cu ta bou menasa y tin miedo como cu e ta pasando den violencia y agresion. Ta necesario pa e bay Eerste Hulp prome, busca un carta di dokter pa asina ricibi atencion medico pa e agresion ricibi y despues tin un rapport pa asina haci denuncia y procedura por continua.
Disgusto ta grandi cu presencia di e homber aki den bario y como tal habitantenan ta bay haci todo lo posibel pa presenta prueba suficiente den su contra. Ambos ta msutra di ta hende cu problema di adiccion.