Detencion di chauffeur cu a basha cura di bar abou

Polis a detene chauffeur agresivo diasabra anochi. Algo pasa di 10 or polis a yega na sitio pa atende cu un chauffeur cu a basha cura di un bar abou.  Polis a yega na Shining Star (cerca di brug di madushi) y ta topa cu un chauffeur bou influencia di alcohol.

E tabata na stuur di un auto Hyundai Tucson color shinishi. A bin compronde cu e vehiculo aki ta pertenece na su pareha. 

A tuma nota cu e persona aki lo a perde control y lo a basha e cura di Shining Star Bar abou. Ora cu e doño di e bar a bay aserk’e , e chauffeur kier a cuminsa bringa cu ne y ta pa e motibo ey e doño di bar tambe a bay riba dje.

Mesora a yama polis y rapidamente nan a yega na e sitio di e accidente y a bay atende cu e doño di bar. Na su turno e doño ta conta cu e Hyundai Tucson tabata biniendo for di pariba, lo a baha caminda dal den e cura di palo di e bar y despues e chauffeur kier a bandona e sitio.

Pa su mala suerte e chauffeur no por a yega mucho leu dor cu e auto a bay para net na e brug di madushi. Momento cu polis a bay atende cu e chauffeur a ripara cu e homber aki ta un conoci di polis cu a causa accidente varios biaha caba y cu esaki ta un otro mas riba su lista.

Sin laga afo cu e vehiculo cu el a accidenta cu ne ta di su pareha. Polis a papia cune pa e coopera pa e supla. Despues di tres intento cu a bay robez y mirando cu no kier a coopera, a bay over pa detene pa sospecho di stuur vehiculo di motor bou influencia pero a resisti cu polis.

A pone na boei y transporte pa warda di Shaba. Takelwagen a bay cu e auto for di e sitio. Ningun hende a resulta herida.