Detencion despues di persecusion pisa te den Yucuri

Diahuebs anochi tabata tin un persecusion pisa den e area di Planten Rust cu Yucuri. Polisnan a bay tras di un auto cu no kier a para. E momento di persecusion e helicopter cu tabata bezig tambe a yega mesora. Aunke e patruya di Polis a medio perde, e Polis den helicopter a guia e coleganan riba caminda con pa yega bek na e auto.

E chauffeur durante su huida hasta a paga lus pa e huy. Esaki no a yuda masha pasobra e unidad di Polis riba caya a logra topa bek cu e auto. Mas unidad di Polis a bin duna un man. E chauffeur cu e auto a logra pasa Planten Rus y sigui coy Santa Martha direccion Papilon y end up finalmente na Yucuri. A para e auto bou dak den garage. E chauffeur a baha core huy sconde den un cas. Polisnan a rondona e cas y e mondi eybanda. Finalmente a logra haci e detencion.

Detencion despues di persecusion pisa te den Yucuri

Detencion despues di persecusion pisa te den Yucuri. Click e link pa mas https://24ora.tv/2xFHYuj

Posted by 24ora on Thursday, July 11, 2019

A hiba e sospechoso warda di Santa Cruz mientras cu a confisca e auto hibe warda tambe. Mas bien na prome instante e persecusion tabata pasobra a nenga ordo di Polis pa haci un control. No sa kico mas tabata tin di sconde cu e chauffeur a core limpi bay asina. Despues di detencion dimes e hoben mester bay duna cuenta.