Detencion: A gara dos persona indocumenta durante control di trafico

Diadomingo den careda di 5:00 PM, polis a para un Toyota tercel na Cura Cabay durante un control di trafico.

Na momento di pidi documentacion, e dos personanan aki no por a mustra nan papel pa indica cu nan ta kedando legalmente riba nos isla. Esaki a socode net pabou di Jr. Autocenter na Cura cabay. Polis a pasa mes ora na detencion y a transportanan pa warda di polis San Nicolas. Un rato despues a hiba nan pa Guarda nos Costa caminda nan lo ta pendiente nan deportacion.