Detencion a cay: Polis a hinca y corta colega cu intencion di mat’e!

Un pareha Polis cu problema den relacion tabatin un discusion cu a bay for di man! Den pasado nan a traha hunto y awor uno ta traha na Warda di Santa Cruz y e otro ta traha den Central di Polis. Parce cu e problema entre e pareha aki a bira asina serio cu el a caba den pelea y agresion cu arma blanco. E agente Policial Joanne Winklaar (Centrale Post) a hinca y corta su ex Paola Alvarez (Warda di Santa Cruz).

Ademas di cort’e cu cuchiu, a agredi’e tambe cu poco sla basta pisa. E agente herida Alvarez a bay hospital pa haya atencion medico. Segun informacion e agente herida a bay cas despues di haya atencion medico cu sla na boca y cortanan na curpa.

Mientrastanto a detene e agente Joanne Winklaar y a cer’e na Warda di Polis na Shaba. E agente sospechoso Winklaar ta yiu di un Polis cu pa colmo ta traha na BIZO, e departamento cu ta investiga coleganan Polis. Den e caso aki e tata no por investiga of e departamento no por haci investigacion. Pesey a opta pa laga Lands Recherche haci e investigacion specifico aki. E caso aki a hera bira un crimen pasional diasabra trempan.

Comments

comments