Diasabra, pa mas of menos 3’or y 18 di marduga, a surgi un problema riba e parkinglot di The Village riba e hi-rise strip, caminda cu tiro lo a cay y un persona a keda herida. Mesora polis atento a cuminsa cu un persecucion cu a cuminsa for di e parkinglot di The Village y despues a sigui riba Sasakiweg. Recherche a purba di para un Nissan Cube color blanco, numera A-10545, caminda cu a los tiro cu arma di candela riba recherche y despues e persecucion a termina banda di Coburg na Bushiri. Polis, hunto cu recherche y arestatieteam a pone man riba e 3 personanan aki, cu a los tiro riba un persona na The Village y despues a los tiro tambe riba recherche y awo a keda deteni. Bon trabou di Cuerpo Policial. BFTO tambe a presenta pa asina cuminsa cu nan investigacion.
