Despues di Polisnan: Awo docentenan a yama reunion urgente awe tardi

Awe mainta e sindicato cu ta representa mayoria docente na Aruba, esta SIMAR, a convoca un reunion extraordinario cu caracter di urgencia, awe tardi 6:00pm na nan sede situa na Sabana Blanco. Ey lo delibera riba e ultimo desaroyonan den enseñansa y busca un mandato di nan miembronan pa manda un señal cla na Gobierno cu “ta basta”.

Ta parce cu tur siman, en bes cu tension baha, ta subi e ta subi debi ma decisionnan nobo cu Minister dr. Rudy Lampe ta tuma. E docentenan ta keha cu e Minister ta bisa un cos pero ta haci otro. Mesun cos ta conta pa Minister Presidente cu ta sali bisa cu a para cierto decisionnan den Conseho di Minister, pero cu na final Minister Lampe ta ehecuta toch. Consecuentemente e docentenan ta sinti cu mas bien ta hungando cu nan y no ta caba di yega na decisionnan concreto.

Docentenan lo dicidi nan siguiente pasonan awetardi den reunion urgente. Click e link pa mas https://24ora.news/2BZgLIe

Posted by 24ora on Sunday, June 14, 2020

Y riba dje, den fin di siman e sindicato di empleadonan den enfermeria, ABV, a opta pa gaba cu nan si a logra pa no corta den nan salario y pa paga nan vakantie-uitkering e fin di luna aki. Consecuentemente trahadonan di Hospital lo cobra nan salario regular sin reduccion y riba dje un 13de maand. Tur esaki mientras cu empleadonan publico y tambe docentenan cobrando via fundacionnan, a perde mita di nan vakantie-uitkering como medida di bahamento di gasto.

Mescos cu Polis, e docentenan ta sinti cu Gobierno ta trata su empleadonan diferente. Un ta previlegia y otronan mester entrega. E posicion aki di Gobierno tin e sindicato awo fada y lo busca un mandato cla di su miembronan riba kico lo sosode e siman aki.