Diadomingo apenas a habri, ora banda di 00:25 Polis a haci detencion na Oxygen Lounge na Wayaca di un homber. E detencion no a bay sin problema.
E situacion tabata relaciona cu un problema di pareha cu a sali for di man. Ora polis a yega, esnan presente a cuminsa lanta cu Polis. Aki e situacion a escala y a bay completo for di man, unda mester a pidi refuerso di mas unidad di Polis cu urgencia pa domina e situacion. Varios patruya a bay mesora direccion Oxygen Lounge y a percura pa domina e situacion y core cu tur hende presente. Un persona a keda deteni y a transporte pa warda di Polis.