Titulo Infantil a bay pa Noord diasabra anochi durante eleccion di e reinanan di Aruba su carnaval.
Den e seccion infantil tabatin tres candidato di cual esun di Noord a resalta for di e prome cu el a subi scenario den Carnival Entertainment Village.
E eleccion di e chikitonan a tarda un poco apesar cu el a cuminsa tempran. Esaki tabata a causa di fayonan tecnico causa pa e yobidanan cu tabatin cada rato. Tabatin tres fayo total, entre otro problema cu Sistema di video.
Apesar di esaki, y cu e resultado di infantil a yega te 10’or di anochi. Apesar di e tardansa, esaki no a kita e animo di e candidatanan, kendenan a presenta nan show y discursonan sin ningun duda.
E resultado final tabata 2do finalista tabata Paradera, 1era finalista TOB y despues di cinco aña Noord ta bay cu e corona den e seccion aki un biaha mas. E ultimo reinanan di Noord cu a bay cu e titulo infantil di Aruba tabata 2012 Ileyna De Cuba; 2013 Edilienne Tromp; 2015 Jaidy Tromp y awo 2020 Joamy Morcillo.
Pabien na pueblo di Noord cu e titulo.
