Despues di casi dos ora helicopter di Andin Bikker a lanta pa busca ilegal cu a huy atrobe

E Helicopter di Andin Bikker te awe ta un placa grandi di pueblo benta afo. Practicamente 200 mil florin di pueblo pa luna ta bay benta afo pa faborece amigo y un grupo di Colombiano cu no a yuda cu nada den combatimento di crimen. Ora cu algo sosode, e helicopter ta dura un eternidad pa lanta y e momento ey tur cos a pasa caba. Como dos miyon pa aña ta costa pueblo.

Diaranson anochi e no tabata un excepcion. Ora cu e ilegal a huy for di Guarda nos Costa tabata tin basta problema. Aeropuerto na dado momento a cera pasobra cu a mira ilegal mas tempran cu a huy den cura di aeropuerto. Despues di casi un ora a laga patruyanan di aeropuerto tira bista paden. Pafo di e cura a mira personal di Guarda nos Costa. A pidi pa polisnan bin aden y yuda cu e buskeda den cura di airport. Mientras tur esey tabata andando, ainda no a lanta e helicopter. Despues di casi un ora y mey di huida y cu tur cos a trankilisa na Guarda nos Costa, finalmente e helicopter a lanta vuelo E momento ey no tin nada mas. A keda proba cu e helicopter ta mas bien capital di pueblo benta afo. Te cu awe no a ira un caso cu a keda soluciona of detecta cu e presencia di helicopter cu ta costa casi 200 mil florin pa luna. Despues cu minister Andin Bikker a insisti cu e salbacion di crimen ta e helicopter, a scoge pa cera un contrato y esaki ta e resultado nawe. Placa benta afo y cada crimen soluciona ta di e mesun polis y departamentonan di polis cu semper tabata tey. A anticipa cu e helicopter lo no funciona y mirando e tardansa pa e lanta vuelo, ta un muestra cu e grupo aki no ta sirbi pa duna servicio na polis. Den pasado tabata tin un otro servicio di helicopter y esaki tabata rapidamente den aire pa duna servicio na e yamada di polis. Kisas nan por busca un conseho cerca e grupo anterior y asina siña oa evuta cy tur biaha cu e helicopter sali ta mas bien pa kima fuel y su presencia no ta necesario mas. Pa colmo el a lanta vuelo despues di mas cu un ora y den 20 minuut e tabata tey bek na su base.