Diabierna, pa mas of menos 11’or y 50 di anochi, tabata tin un hoben riba un brommer tabata coriendo den Kamerling Onnestraat, ora cu polis a dun’e señal pa para. E hoben no a haci caso y a drenta den Edisonstraat, direccion p’abao. Dado momento, el a dal contra acera, despues dal contra di un auto para canto di caminda, pa despues kita cay abao. E hoben a dicidi di core bay den Toricellistraat, unda cu polis a logra gar’e. Na momento cu polis a ristr’e, den su rugtas nan a bin topa cu dos bulto grandi di marihuana. E hoben a keda deteni y e droga confisca.
