Despues di a warda pa varios luna Duaneronan ta pone trabao abao

39

Despues di un reunion basta breve na e central di Aduana na LG Smith Boulevard y despues di algun rato e miembronan di sindicato SADA a dicidi pa pone trabao abao. Nan a cana bay den direccion di Bestuurskantoor.

Un cantidad di trahado a aglomera na e cas di gobierno y a bin exigi nan derecho riba diferente punto cual e sindicato no ta hayando mas oido for di e minister en cuestion.

Aduana ta pone trabou abou. Hopi luna ta warda riba Gobierno pa un contesta

Posted by 24ora on Friday, August 23, 2019

 

Awe, nan a bin exigi un contesta mes. Nan ta pidiendo un reunion cu Prome Minister Evelyn Wever Croes.

Segun presidente di SADA, Edward Maduro, Mediador di Gobierno a manda pidi e reunion aki cu Prome Minister. Kiermen por mira casi cinco luna ta wardando. A manda un ultimo rappel pa manda pidi e reunion. Den transcuros di 24 di april te cu siman pasa, a manda varios rappel, tanto SADA mes como sindicato y tambe por medio di mediador. 

Pero cada biaha no a logra keda cla cu esey. Esaki sigur tin cu informa e miembronan di e sindicato y den nan concepto, ta un falta di respet pa nan. Si den cinco luna no por yama un reunion pa por finalisa esaki, pa haya un claridad unda nan ta para y pa haya un fecha.

Tin basta tempo ta warda, pa e miembronan esaki sigur awa a pasa hariña. Nan a warda suficiente caba.

E reunion

Despues di e carta cu a manda siman pasa, a haya un email di Prome Minister bisando cu e no tin tempo awor aki, cu su schedule ta yen. Tambe el a bisa cu e lo laga e minister di finansas y e minister di husticia reuni cu nan, cual tampoco a sosode. Den e carta di siman pasa a pone un fecha di 22 di augustus, pa 12’or di merdia uiterlijk.

No ta pidiendo pa sinta 8 ora largo. Ta pidiendo pa haya claridad. Hunto kier sinta cu e minister envolvi y tambe e departamentonan involucra, pa asina tur hende sinta y pone tur carta riba mesa.

Ta sinti cu tin cos ta keda scondi y no sa si e departamentonan ta haci esaki riba nan mes, of cu conocemento di gobierno. Kier haya reunion cu tur hende, incluyendo cu mediador, pa nan keda cla.

E Douaneronan no tabata kier a tuma e paso aki. E sindicato kier a purba di convence nan  pa purba yega na un solucion pasivo. Pero tin ora ta pone cu no ta keda nada otro pa tuma e paso mas drastico di yama un reunion. Den e caso aki, e trahadonan a indica cu no kier manda ningun carta mas of tende mas. Nan kier reuni cu Prome Minister, hunto cu e demas ministernan. No ta un peticion haci awe, sino di basta tempo atras.

Reaccion di Minister

Maduro a comenta cu a informa e oficina di Minister di Finansas. A purba di haya contacto cu e oficina di Prome Minister, pero tin di compronde cu tin Ministerraad te cu 11’or. Si ta pa nan, no lo kier warda te 11’or. Mas lihe cu yega na pia di trabao, ta miho pa Aduana y comercio mes. Loke nan kier, ta un fecha. Un contesta pa yama un reunion si of no. E coleganan no kier warda mas. E cos aki mester a drenta na vigor 1 di januari 2018. Si mira bon, ta bayendo pa 21 luna caba ta en espera. Tin 20 luna ta wardando. Tin cinco luna ta wardando pa e reunion aki y segun Maduro, e no mester a yega asina leu.

E situacion

Tin trahado awor aki ta suppose di ta riba na post. Tin caminda cu tin hende cu a keda. Ta keda na e dienst con ta zet in. E lucha aki ta uno pa full e cuerpo. No ta pa e 80 of 90 hendenan presente. Por bisa cu tin hendenan cu lo por val in. Ta keda na e dienst con ta zet in e hendenan.

Comercio

Si Aduana ta 100% plat, e ora si e lo afecta comercio grandemente. Pero locual ta pasando ta cu no ta 100% plat. Leiding mester zet in su hendenan. Pero si mañan dado cas cu Aduana ta plat, tin efecto grandi riba comercio. Si, semper a trata pa yega na un solucion. Tin lunanan largo ta pidi un reunion. SADA a haci su banda y a bisa semper cu comunicacion ta yega leu.