Diadomingo, pa mas of menos 1’or y mey di merdia, polis ta bay den Caya Milo Croes, dilanti di Winklaar Tire Repair Shop, caminda cu lo a surgi un problema, cual ta andando pa 5 aña caba entre un pareha. Segun cu tin entendi, e muhe no kier compronde cu cos a caba y a ta pretende cu ainda e por manda riba e homber. Den un racha di locura, e dama a presenta awe cerca e homber y a distrui e windshield patras di su auto y tambe esun dilanti cu un baranca, sin conta e resto di e auto. Pa loke ta e homber, e tambe a manda algun boter riba e auto di e muhe. Polis, naturalmente no a tolera e comportacion aki y a dicidi di hiba ambos persona warda pa nan duna cuenta.
