Cu un publico di mas o menos 2 mil persona den Aruba Entertainment Center, a tuma luga e Festival di Tumba pa Carnaval 64 cu 9 banda musical y 15 Tumbero. Richard “Tattoo” Quant a bay cu e titulo maximo atrobe cu e tumba “Aruba si sa”.
E ultimo biaha cu Tattoo a bay cu e corona di Rey di Tumba tabata na aña 1992, e tempo ey cu Musical Time, cu e tumba “Candela”. Ta di aplaudi e participacion fiel di Tattoo pa hopi aña y semper cu un bunita disfras carnavalesco riba escenario. Un berdadero ehempel pa tur otro!
Richard “Tattoo” Quant a cuminsa su carera den Festival di Tumba na aña 1990 cu e tumba “Kadi Kada”. Su siguiente aña, 1991, el a presenta su Tumba mas conoci, esta “Indjan”, mientras cu despues di 3 aña, na 1992, el a bay cu e corona cu “Candela”.
Ta bon pa informa cu Tattoo ta e unico cantante di Aruba cu a bay cu e “Triple Corona”, debi cu e tin corona di Rey di Roadmarch na 1991 cu “Slide and Duck”, sigui pa e corona di Rey di Calypso, cu “Shhhhh” na 1992 y na e mesun aña 1992, a titula tambe Rey di Tumba cu “Candela”.
Participantenan Festival di Tumba 2018:
1. Las Unicas
– Ivienne Hernandez
2. Zeta Band
– Richard “Tattoo” Quant
3. D’-Licious
– Rolindo Dortalina
– Jerwin Hernandez
– Dwayne Raven
– Jerrino Ridderstap
4. Robert & Solo Banda Show
– Marlon Willems
– Jefrey Kelly
5. Buleria
– Raynold Kelly
– Franksjen Vos
6. One Of A Kind
– Jurick Salomon
7. Aiwalos
– Sidney Simoons
8. Caribbean Band
– Rene Samson
9. Talentoso
– Benito Loefstop
– Idelien Geerman
Premiacion Festival di Tumba 2018:
-
Rookie of the Year: Jerwin Hernandez
-
Banda miho uniforma: Las Unicas
-
Cantante miho uniforma: Richard “Tattoo” Quant
-
Cantante mas popular: Richard “Tattoo” Quant
-
4 Luga: Jerwin Hernandez
-
3 Luga: Jurick Salomon
-
2 Luga: Rolindo Dortalina
-
Rey di Tumba 2018: Richard “Tattoo” Quant