Awe diabierna, tabata tin un reunion entre sindicato ABV y e diferente departamentonan manera Respaldo, Bloedbank y demas trahadonan na Hospital, pa asina pone nan mes na altura di e negociacionnan cu a tuma luga entre nan sindicato y hospital for di mainta tempran.

Presidente Gina Maduro a comenta cu tabata trata aki di un reunion general y no un protesta, pa asina trata un monster di CAO cu diferente punto, unda cu e ta aplicabel pa mas di 1300 persona di diferente instancia, entre otro hospital, Bloedbank, etc. E tabata un CAO di 20 luna, for di 20 di maart 2018 y a cer’e diahuebs merdia 12’or exitosamente.

Sindicato ABV cu reunion cu su miembronan na Hospital

Posted by 24ora on Friday, November 22, 2019

Den e 20 lunanan aki a pidi por lo menos 11 pa 12 algemene vergadering. Y awe, diabierna esaki ta oficial cu a keda acorda prome cu firma. E sindicato a haya aprobacion di su miembronan y diamars awo lo firma e CAO 12’or di merdia.

Maduro a comenta cu tabata tin 15 punto cardinal cu a trata. Diamars awo, ora cu firma e CAO, e lo pasa full riba e protocol aki, punto pa punto y splica kico tur a logra pa e trahadonan.

Paz den hospital

Cu e CAO aki por mira cu por bin paz den hospital, despues di tur e situacion cu e empleadonan a pasa aden. 2019 tabata un aña hopi pisa pa hospital. E trahadonan tabata bao di presion, problema di bouw, awo problema cu IT pa pone e cherry riba e bolo.

Maduro ta mira e parti positivo di esaki. E team ta mas uni, mas hunto. No tin ningun otro organisacion miho na Aruba cu por evacua miho cu e team aki. Nan ta tremendo pa calamidad. Nan ta bon entrena pa calamidad.

Motibo pa tardansa

Prome motibo di e tardansa di e CAO, tabata cu e director financiero di hospital Theo de Kool a bay. Mester a warda un CAO team nobo forma pa hospital y tambe mester a warda presupuesto y tabata tin cierto condicionnan cu e sindicato a exigi cu tabata kier den e CAO. Esey tabata tur e motibona pakico tabata tin e tardansa. Maduro ta gradicidi tur miembro pa nan pasenshi y preseverancia. A dura 20 luna, pero e resultado tabata tremendo.

Algun punto

Entre e puntonan tabata kerstbonus,  signing bonus, AO Verzekering. Por ehempel si bira malo despues di 3 aña. E ta bay basa riba 50, 60, 70. Mester tin mas di 10 aña den servicio. Ta keda haya 70% di e salario basico y ultimo salario te ora cu yega edad di pensioen. Esey ta algun di e puntonan cu nan a trece dilanti cu ta den e CAO.

Comments

comments