Desordo den cas di pueblo na Noord a lanta hende fo’i soño

Diasabra marduga, pa mas of menos 4:45 am, bisiñanan a yama polis pa bay pone ordo na un adres den Christiaanstraat, caminda cu tabata tin zonido di musica duro y grito, molestiando tur hende den vecindario.

Mirando cu tabata pasa di mey anochi y tabata den pleno toque de queda y riba dje tin hende cu mester a lanta mainta pa trabao, polis a hala atencion di e famia y bisa si nan mester bin bek lo tin partimento di boet of lo tin aresto.