Diahuebs, 6 di Juni tabata apertura oficial di tanto Desigual como Parfois. Dia 3 di Mei a habri e prome tienda cu yama Parfois, cu a bin di Portugal y ta basa mas tanto riba asesorio pa hende muhe, paña, poco sapato, pero e tin un moda diferente y algo mas pa e comunida di Aruba.
Y dia 28 di Mei a habri Desigual, cual ta un marca di Spaña. E tin varios categoria manera di hende muhe, hende homber y mucha. Nan a enfoca mas pa e comunidad di hende muhe na Aruba, pa trece mas opcion y variedad cu un estilo diferente cual ta Desigual, segun Joanette Vrutaal, HR Manager pa grupo Phoenix Aruba.
Desigual ta hopi color, hopi cos diferente y esey ta loke tanto e grupo tabata kier a trece pa Aruba.
Orario
Ambos tienda ta habri for di dialuna pa diabierna, di 9’or di mainta pa 7’or di anochi y diasabra, tur dos ta habri for di 9’or di mainta pa 8’or di anochi. Nan ta habri tambe riba mayoria dia di fiesta y tin e opcion extra pa e hendenan pa ora cu nan sa cu mayoria di e tiendanan ta cera pa 6’or y mey, e Desigual y Parfois ta habri te cu 7’or of 8’or, asina pa brinda comunidad mas di e variedad cu nan ta ofrece.
Invitacion
Di parti di full e grupo, kier invita full e comunidad y tambe tur e turistanan cu ta na Aruba, pa disfruta di e marcanan cu ta ofrecriendo Parfois cu tin acesorio, paña y tambe sapato pa tur ocasion y tambe Desigual pa e piesa unico pa e diferente eventonan cu tin.
