Desgracia cu bastante daño material na Ponton

Diabierna atardi alrededor di 4:20 pm a sosode un accidente pisa cu a laga un saldo di basta daño material atras riba e auto. E desgracia aki a sosode na Ponton, na e crusada net dilanti dii Wema Ponton.

E autonan envolvi tabata un Hyundai Sonata y un pickup color blanco. E Hyundai tabata biniendo for di Playa direccion pa rotonde Tanki Flip. E pickup a subi e crusada di un forma sorpresa y dal contra di e Hyundai. No tabatin ningun persona herida.

Polis a presenta pa documenta e accidente. Un rato despues a hala e autonan for di caminda pa trafico por a sigui normal.

Choke fuerte pa falt’i preferencia na Ponton.

Posted by 24ora on Friday, May 13, 2022