Desde mañan: Cuerpo di Aduana ta den welga!

Un rato pasa Directiva di Sindicato Aduanero di Aruba (SADA) a emiti un carta urgente na Minister Xiomara Maduro, informand’e cu desde mañan diaranson pa 8:00am, tur Duanero ta den welga y lo no traha! E motibo ta cu Minister di Finanza a informa e sindicato antayera cu e lo no tene su mes mas na e acuerdo di “Functiehuis” y “Salarisstructuur”. Parce cu e miembronan den un reunion urgente awetardi a desaproba e decision di Gabinete Wever-Croes y ta bay den accion te na momento cu Gobierno cambia di posicion.

E Duaneronan a tuma Minister Maduro masha na malo pasobra el a bisa nan tur tempo cu e ta atendiendo e asunto, el a cumpra tempo di e Duaneronan y no tabata sincero cu nan. A kere cu sigur e lo a bisa nan e berdad di dos aña pasa caba ora cu el a asumi poder.

SADA den su carta ta pidi pa drecha salario di su miembronan desde luna di november 2019, pa drecha nan structura salarial y pa haci e pagonan cu forsa retroactivo desde dia 1 di januari 2018. E carta a bay pa Minister Xiomara Maduro pero cu copia pa Conseho di Minister, Parlamento di Aruba y pa Director di Departamento di Aduana.

Gobierno no tin respet pa salarishuis di Aduana

Posted by 24ora on Tuesday, September 10, 2019

Comments

comments