Minister Chris Romero a reacciona riba reunion den parlamento relaciona cu e gedoogbeleid cu a bin trata den staten. Ta algo cu nan tin basta tempo ta boga pe y cu awe porfin a concretisa.
Minister Romero a vocifera di ta conforme cu desde mayan formularionan lo ta disponibel pa asina por registra. Ta menciona cu pa locual ta registracion lo ta cambiando e landsbesluit pa asina hink’e den e visserij verordening y asina cay bou di Santa Rosa.
Como minister encarga,lo bay duna e beschikking una bes cumpli cu tur rekisito. Por a compronde cu un fecha stipula pa inicia lo ta 20 di october caminda cu si tur cos ta bon y in place cu por otorga e prome permisonan di spearfishing.
Minister Romero tambe a menciona e hecho cu no ta prome biaha ta presenta un gedoogbeleid cu despues no ta concretisa, manera entre otro linefish cu keto bay e ley no ta cambia. Pesey ta conforme cu di su banda porfin a logra y cu dialuna venidero lo duna un siguiente conferencia di prensa caminda lo presenta y amplia e registracion y e rekisitonan necesario.
Pa locual ta trata e mocion di desconfiansa cu e presenta awe den staten contra Minister Marisol Lopez Tromp ta prefera di no duna comentario y mas bien ta lag’e na e parlamentarionan haci esaki como cu ta nan a present’e.
