Desaster total na KIA: Problemanan pa cu seguridad na KIA ta culpa di Minister y Hefenan

E problemanan cu huidanan di preso na KIA ta culpa di esnan encarga cu CEA y tambe KIA mes. No por core tira culpa riba e director nobo. Ta awor el a yega y ta den un proceso di break in pa cuminsa handle su maneho. Mientranto KIA kizas a keda pa su cuenta of no a keda pa su cuenta. Un di e culpabelnan principal ta Andin Bikker como minister di Husticia.

El a drenta y a bisa cu tin problema. Awe despues di dos aña ainda ta culpando e gobernacion anterior y e mes no a haci nada nada. El a topa un situacion cu KIA ta deplorable. Ora cu AVP a pone Rocco Tjon como director di KIA el a cuminsa hiba e maneho y cuminsa drecha varios cos cu tin di haber cu maneho. El a escohe pa bula afo y drenta politica. A dura un aña y mey pa e minister actual nombra un director. E ta increible pa kere esaki pero esey ta e realidad. E seguridad den KIA y pafo di KIA cu CEA ta hopi malo.

Problemanan grandi tin den KIA. Awor cu baca a hoga despues cu nada a wordo haci durante dos aña, e minister ta core cabes di gai. E personal di CEA no sa mas con pa haci. Cos a yega asina ley cu ta forsa e trahadornan subi toren. Nan a schors trahador caba poco dia pasa. Despues cu un hende a huy nan kiermen cu e trahadornan no tabata tin bista riba nan. E dos rumannan cu a huy poco dia pasa a haci esaki cerca di e porta of entrada di CEA su control pafo. Ambos a subi dak y ora di baha a cay riba e barinan di sushi algun meter leu di e post di CEA na entrada. E hefe tin camara grandi su dilanti y nan no a miranan bula casi den porta bay afo. Actualmente e Mobiele Eenheid di Polis a bin banda di Post of Toren dos. A lanta e Commando Kamer di Polis banda di Toren Dos. Nan ta pidiendo trahadornan pa keda traha weekend. E trahadornan ta draai 16 ora straight den toren sin sosega. Esaki no ta normal. Awor aki toren 1,3,4 ta trahando. Toren dos ta afgekeurd.

E personal di CEA ta trahando cu menos personal y esnan di KIA tambe. Nunca tin un ploeg completo. Tur dia poeg falta hende. Weekend cu dianan di fiesta y dianan di pago, hopi trahado jong cu gusta trip ta dal nan ziek na ordo y perhudicando e trahandornan bieu of ex marinier den CEA of Ex Polisnan cu ta mantene ordo na KIA. Na CEA den KIA ta ex Marinier cu Ex Polis so mag di traha. Awendia a bira cu ken cu ta nan a manda pa CEA bin traha cuida KIA. Ta manda hende muhe tambe pa sinta den airco pafo pa atende publico y gana mesun placa cu esun cu ta keda oranan largo den toren. E trahador den toren ta esun mas vulnerable. Ta keda forsa hende traha den toren pasobra no tin otro hende y esnan cualifica ta usanan pa transporte of na corte. Den bestuurskantoor actualmente tin varios hende militar cu awe ta di CEA y cu tabata na KIA trahando, a bay traha awor bou di gobierno den Cocolishi. CEA y KIA a keda cu poco hende. Director di CEA y KIA ta kibra regla pasobra e regla pa usa militar y ex Polis na KIA mester keda existi. No ta esnan manda awe pa CEA ta apto pa traha. Tin hasta cierto wega ta ser haci cu arma. Tin hende trahando sin conocimento di arma. Den toren mester tin arma largo y jacket bulletproof. Hopi ta traha cu pistol y sin bullletproof. Tampoco tin flashlight pa traha.

E ilumninacion parti pafo ta net nada. Hopi scuridad tin eyfo y nos mes a constata ora cu polis tabata bezig diabierna manece diasabra cu nan a keda hopi straño cu tur e scurudad cu tin. Pa hopi tempo caba ta gritando pa luz na algun di e postnan manera Post tres y Post cuater pasobra ta hopi scur. Asina ta dificil pa mira eyfo sin flashlight. Tin nightvision y arma largo na KIA pero no ta laga nan traha cune pasonbra hopi di esnan trahando awor no ta prepara pa esaki. E Team Special cu ta prepara pa atake ta djis drenta cel pa pone ordo pero no ta yuda den toren. E IBT no ta yuda CEA. Mas bien ta kita personal di CEA pone nan den K-9 of hinca nan den otro departamentonan. Tabata tin reunion diabierna anochi cu KIA, CEA y Polis. Si cuminsa kita hende di CEA trahando den post e ta bira un problema serio. Tin hefe di CEA cu no kier take and give. Kier forsa trahador so sin duna bek. A haya tip cu mas preso lo bay huy. Ora ta pidi dia liber of un dia pa pasa cu famia, esaki no por pasobra e dienst no ta permiti esaki. E trahador no por tuma vakantie. E hefenan kier pa e dienst draai nechi pero riba costo di e trahador cu no por haya dia liber djis pa e dienst draai. Ta hopi trahador tin promocion di nan wanta. Tin basta problema interno awor aki caminda nan pocision no ta regla.

Desde cu Ronny Geerman a bira director na CEA e no a regla esaki, E director anterior no a logra regla esaki y awor esun nobo despues di hopi aña ainda no ahaci nada di e asunto aki. E peticion cu mester a ser regla segun sentencia di hues tampoco a wordo regla. Tin trahador ainda ta cana rond cu sentencianan den nan man. E trahadornan ta bisa cu a papia di oficina di integridad pero te awe no a mira esaki pa asina nan denuncia cosnan robes y falta di integridad na KIA. Hopi di e trahadornan pasando den problema no ta hayando oido di e gobierno actual. TOPA como sindicato ta buscando reunion cu minister di husticia segun trahadornan. Te awe no por haya oido pa e clase trahador pa atende e asunto. Di dia dos di e luna caba nan kier a huy. Nan tabata sa cu nan tin plan pa huy. Comienso di Augustus a avisa. Ta cuater nan tabata cu kier huy. Ora saca hende di cel na KIA ta e cuidador mester miranan. No tin arma adecua na Postnan cu mester vigila. Antes e preso tabata mira e cuidador pasa y ta mira e arma y sa cu aki no por haci wega. Awendia ta manera free for all y peliger pa falta di trahador riba cada warda.